सोडून तुझा गेलो संसार तुझ्यासाठी | Sodun Tujha Gelo Sansar Tujhyasathi Suresh Bhat Ghazal

 सोडून तुझा गेलो संसार तुझ्यासाठी - सुरेश भट

सोडून तुझा गेलो संसार तुझ्यासाठी

माझी न हवा झाली आधार तुझ्यासाठी

https://goodreadsmd1.blogspot.com/

एकेक ऋतु जाई लावून तुला मेंदी

एकेक फुलाचा हा शृंगार तुझ्यासाठी

घेऊन तुला गेले आकाश पहाटेचे

होताच कुठे माझा अंधार तुझ्यासाठी ?

माझ्याच कशा वाटा होतात नकारांच्या ?

एकेक दिशा होई होकार तुझ्यासाठी !

कोठून गडे आणू आयुष्य नवे कोरे ?

देहात पुन्हा होती झंकार तुझ्यासाठी !

दारात जरी आला आषाढ तुझा ओला

गाता न मला आला मल्हार तुझ्यासाठी

माझेच मला झाले काही न कळेनासे... 

घेतात कशी गीते आकार तुझ्यासाठी ?

" Suresh Bhat Marathi Gazals "

" Suresh Bhat "

" Suresh Bhat Ghazals "

" सुरेश भट गझल "